Bu ilin mart ayında əhalinin banklardakı əmanətləri kəskin şəkildə azalıb.
Yeniavaz.com açıqlanan rəsmi məlumatlara istinadən bildirir ki, mart ayının əvvəlində fiziki şəxslərin banklarda 8 milyard 694,4 milyon manat əmanəti olduğu halda, mart ayında 5,1% və ya 442,7 milyon manat azalaraq aprel ayının əvvəlində 8 milyard 251,7 milyon manata düşüb.
Məlumat üçün bildirək ki, azalma daha çox milli valyutada – manatla yerləşdirilən əmanətlərdə qeydə alınıb. Manatla yerləşdirilən əmanətlər son bir ay ərzində 421 milyon manat azalaraq 3 milyard 701,7 milyon manta düşüb. Xarici valyutada olan əmanətlər isə son bir ay ərzində 21,7 milyon manat azalaraq 4 milyard 550 milyon manata enib.
Rəqəmlərdən də göründüyü kimi əhalinin manatla olan əmanətlərinin azalması ölkədə gözlənilən devalvasiya ehtimalı ilə bağlıdır. Banklarda manatla olan əmanətlərin azamasına paralel olaraq mart ayında ölkədə dollara tələbat da kəskin artıb. Təsadüfü deyil ki, bu ilin mart ayının 10-da valyuta satışı bu il ərzində ən yüksək səviyyəyə – 323,2 milyon dollara çatıb.
A. Cəfərov
Tətbiqimizi yükləyə bilərsiniz
