Azərbaycanda məktəbyaşlı qızlar minlərlə uşaq dünyaya gətirib - ŞOK RƏQƏMLƏR

Ötən il Azərbaycanda 138 min 982 körpə doğulub.
Yeniavaz.com açıqlanan rəsmi statistikaya istinadən bildirir ki, doğulan körpələrin 1,5%-i və ya 2 min 129-u 15-17 yaşlı analar tərəfindən dünyaya gətirilib.
Məlumat üçün bildirək ki, "Ailə Məcəlləsi"nin tələbinə görə Azərbaycan Respublikasında nikah yaşı 18 yaş müəyyən olunub (Maddə 10). Bu, həm də o deməkdir ki, son bir il ərzində 2 min 129 uşaq qeyri-rəsmi nikahdan doğulub.
Azərbaycanda 15-17 yaş həm də məktəb yaşı hesab olunur və bu səbəbdən də 2 min 129 körpə həm də məktəbyaşlı qızlar tərəfindən dünyaya gətirilib.
Onu da bildirək ki, məktəbyaşlı analar tərəfindən doğulan körpələrin sayı son illərdə azalıb.
Son 9 ildə məktəbyaşlı analar tərəfindən doğulan körpələrin sayı belə olub:

İllər	Məktəbyaşlı analar tərəfindən doğulan körpələrin sayı
2010	4 103
2011	4 392
2012	3 236
2013	2 855
2014	3 296
2015	2 895
2016	2 809
2017	2 421
2018	2 129