Quba-Xaçmaz yolunda baş verən dəhşətli qəzada ölənlərin sayı 4 nəfərə çatıb.

Qəza nəticəsində xəsarət alaraq yaralı vəziyyətdə xəstəxanaya yerləşdirilən Ramin Əlfəddin oğlu Seydəhmədov orada dünyasını dəyişib. 

Xalaoğlu olan Qasımov Coşqun Kamil oğlu və Abasov Zakir Eldəniz oğlu isə hadisə yerində dünyasını dəyişmişdi. 10-cu sinif şagirdi olan xalaoğlular repetitor yanına gedirmişlər.

Qəzada həlak olan 3-cü şəxs isə Xaçmaz sakini, 32 yaşlı Nahid Tarıverdiyevdir.

14:02***
Quba-Xaçmaz yolunun 5-ci kilometrliyində baş vermiş qəzada ölənlərin ikisinin kimliyi məlum olub.

Qəza nəticəsində Qasımov Coşqun Kamil oğlu və Abasov Zakir Eldəniz oğlu dünyasını dəyişib. Onların xalaoğlu olduqları və 10-cu sinifdə oxuduqları bildirilib. Qəza məktəblilər repetitor yanına gedərkən baş verib. 

Qasımov Coşqun Boks üzrə Respublika çempionudur.

Yaralı Ramin Əlfəddin oğlu Seydəhmədovun vəziyyəti ağırdır.

11:02

Quba rayonunda ölümlə nəticələnən yol-nəqliyyat hadisəsi baş verib.

Yeniavaz.com-un Qafqazinfo-ya istinadən verdiyi xəbərə görə, 40 BS 143 dövlət nömrə nişanlı “VAZ 21010” markalı avtomobil 40 BL 944 dövlət nömrə nişanlı “Ford” markalı avtomobillə toqquşub. 

Qəza nəticəsində iki nəfər ölüb.

Hadisə yerinə hüquq-mühafizə orqanlarının əməkdaşları cəlb olunub.