Azərbaycan milli komandasının və Türkiyənin "Trabzonspor" klubunun futbolçusu Ramil Şeydayev Slovakiyanın "Jilina" klubuna keçidi ilə bağlı fikirlərini bildirib. "Jilina"nın rəsmi saytının xəbərinə görə, o, yeni komandaya keçidinə görə sevindiyini və mütəmadi oynamaq üçün yaxşı seçim olduğunu bildirib.
"Keçidimə sevinirəm. Mənim üçün yaxşı seçimdir, bu mütəmadi olaraq oynamaq və öz komandama fayda vermək üçün bir fürsətdir. Mən "Trabzonspor"un slovakiyalı legionerləri Matuş Bero və Yan Dürits ilə danışdım və onlar məni inandırdılar ki, "Jilina“ böyük klubdur və mənə uyğundur. Ümid edirəm ki, biz birlikdə həm çempionatda, həm də avrokuboklarda qələbə qazana biləcəyik. İlk təəssüratlarım çox yaxşıdır. Yeni klubda oynamağa başlamaq imkanımı səbrsizliklə gözləyirəm", - deyə "Jilina"nın rəsmi saytı Şeydayevin sözlərini sitat gətirib. Azərbaycan futbolçusu Slovakiyada icarə əsasında oynayacaq və onunla müqavilə 2018-ci ilin yayına qədər nəzərdə tutulub.Report
Tətbiqimizi yükləyə bilərsiniz
