Şimali Koreya lideri Kim Çen In iki ölkəni birləşdirən yeni açılmış körpüdən keçərək Çinin sərhədindəki Dandun şəhərinə gedib.
Yeniavaz.com “Yonhap” agentliyinə istinadla xəbər verir ki, bu barədə hökumətdəki mənbə bildirib.
Onun sözlərinə görə, Kim Çen In Danduna getmək üçün Çində Yalu çayı kimi tanınan Amnok çayı üzərindəki körpüdən keçib.
Səfərlə bağlı digər təfərrüatlar açıqlanmayıb.
Qeyd edək ki, Şimali Koreyanın Sinuiju şəhəri ilə Çinin Dandun şəhərini birləşdirən körpü 12 illik tamamlanmasından sonra bu ay açılıb.
3026 metr uzunluğunda olan dörd zolaqlı körpü 2014-cü ildə Çinin təxminən 310 milyon ABŞ dolları sərmayəsi ilə tamamlanıb. Ancaq Şimali Koreya tərəfində birləşdirici yolların və gömrük obyektlərinin tikintisini başa çatmadığı üçün onun açılışı 12 il təxirə salınıb.
Xatırladaq ki, bu, onun 2025-ci ilin sentyabrında Çin xalqının yapon işğalçılarına qarşı müqavimət müharibəsində Qələbəsinin 80 illiyi münasibətilə Pekində keçirilən və Çin Sədri Si Cinpinlə ali səviyyədə görüş keçirdiyi hərbi paradda iştirakından sonra ölkəyə ilk səfəridir.
Tətbiqimizi yükləyə bilərsiniz
