ABŞ-də bu şəhərin sakinlərinə xoruz saxlamaq qadağan edildi

Nyu-Cersi sahillərində yerləşən Brik Taunşip şəhərinin hakimiyyət orqanları sakinlərə xoruz saxlamağı qadağan edib.
Yeniavaz.com xəbər verir ki, bu barədə “New York Post” qəzeti məlumat yayıb.
Məlumata görə, rəsmilər bunu xoruzların yüksək və qeyri-sabit banlarının ictimai təhlükəsizliyə və sağlamlığa zərərli təsiri ilə izah ediblər.
Hakimiyyət orqanlarının məlumatına görə, “səs-küylü” xoruzlarla bağlı şikayətlər son altı ildə artıb.
Artıq Brik Taunşipdə xoruzlara sahib olmaq, onları saxlamaq və yetişdirmək qanuna ziddir.
Fərman qəbul edilməzdən əvvəl bu quşlara sahib olanlara isə onları təsdiq edilmiş tikilidə saxlamaq şərti ilə saxlamağa icazə verilib. Ancaq onlara da xoruzları dəyişdirmək və ya yenisini almaq qadağandır.