Donald Trampın ikinci prezidentlik müddətinin ilk 18 ayında ABŞ-dən təxminən 980 min nəfər deportasiya edilib.
Yeniavaz.com xəbər verir ki, bu barədə məlumat ABŞ Miqrasiya Siyasəti İnstitutunun (MPI) hesabatında öz əksini tapıb.
Məlumata görə, deportasiya 20 yanvar 2025-ci illə 31 iyul 2026-cı il tarixləri arasında Daxili Təhlükəsizlik Departamentinin, o cümlədən İmmiqrasiya və Gömrük Mühafizəsi və Gömrük və Sərhəd Mühafizəsi tərəfindən həyata keçirilib.
Deportasiyaların ümumi sayının üçdə ikisindən çoxu ABŞ sərhədini birbaşa keçməyə çalışan miqrantlar olub. Qalan üçdə birinin 61%-i ölkədə ən azı iki il yaşayan sənədsiz miqrantlar, 15%-i isə ABŞ-də 10 il və ya daha çox yaşayan şəxslər olub.
Donald Tramp 2025-ci ilin yanvar ayında Amerika Birləşmiş Ştatlarının 47-ci prezidenti kimi andiçmə mərasimindən bəri dəfələrlə bildirib ki, vəzifəyə başlamazdan əvvəl ölkəyə təxminən 25 milyon insan qanunsuz yolla daxil olub. Ağ Ev sakini dəfələrlə daha sərt immiqrasiya siyasətinin tərəfdarı olduğunu ifadə edib.
Tətbiqimizi yükləyə bilərsiniz
