Böyük Britaniyanın mədəniyyət naziri Liza Nandi “X” platformasından istifadəsinə son qoyduğunu elan edərək, onu sui-istifadə və dezinformasiyaya dözümlülükdə günahlandırıb.
Yeniavaz.com xəbər verir ki, o, bu barədə sosial media hesabında açıqlama yayıb.
O, öz departamentinin də qərarı dəstəklədiyini və “X”dəki rəsmi Mədəniyyət Nazirliyi səhifəsinin də bağlanacağını bildirib.
Nazir əvvəlcə söz və ifadə azadlığı üçün yaradılan platformanın indi mənalı müzakirələr əvəzinə təhqiramiz məzmun və dezinformasiyanı təşviq etdiyini bildirib. O, bu vəziyyətin təkcə Britaniya demokratik sisteminə deyil, bütövlükdə cəmiyyətə zərər verdiyinə inanır.
Təxminən bir həftə əvvəl Nandi Britaniya hökumətinin əsas sosial media platformalarını istifadəçi lentlərində və axtarışlarında təsdiqlənmiş və etibarlı məlumat mənbələrini təşviq etməyə məcbur etmək istədiyini, eyni zamanda etibarsız məlumatların qarşısını almaq istədiyini açıqladı. Onun sözlərinə görə, bu cür kəskin tədbirlər zəruridir, çünki sosial media əksər britaniyalılar üçün cari hadisələr haqqında əsas məlumat mənbəyinə çevrilib.
Tətbiqimizi yükləyə bilərsiniz
