Yaxın aylarda Yer kürəsi 21-ci əsrin ən güclü “El Ninyo” hadisələrindən birini yaşaya bilər.
Yeniavaz.com xəbər verir ki, bu barədə iqlim mütəxəssilərinə istinadla “New-Science” portalı məlumat verib.
Mütəxəssislər, dünyada son dərəcə yüksək temperaturlara, rekord istilik dalğalarına, kütləvi daşqınlara və mühüm hava dəyişikliklərinə səbəb ola biləcək super “El Ninyo” hadisəsinin baş vermə ehtimalını nəzərdən keçirirlər.
Məqalədə istinad edilən məlumatlara görə, “El-Ninyo” hadisəsinin iyun ayına qədər qayıtma ehtimalı təxminən 70% olaraq qiymətləndirilir. Əgər bu baş verərsə, hadisə indiyə qədər qeydə alınan ən şiddətli hadisələrdən biri ola bilər.
Məqalədə bildirilir ki, “El-Ninyo” adətən Avstraliya, Afrika, Hindistan və Latın Amerikasının bəzi yerlərində istiləşməyə səbəb olur.
Müəlliflər bu fenomeni Sakit Okeanın ekvatorial zonasında səth sularının istiləşməsi ilə əlaqələndirirlər: yığılan istilik şərqə doğru dəyişir və sonra atmosferdə yenidən paylanır və bu da tanış iqlim proseslərində dəyişikliklərə səbəb olur.
Qeyd edək ki, “El-Ninyo” qlobal okean atmosfer hadisəsidir və daha çox Sakit okean üçün xarakterikdir. Bu hadisənin adı ispan dilindən götürülüb (oğlan uşağı deməkdir) və elmə ilk dəfə 1923-cü ildə Hilbert Tomas Volker tərəfindən gətirilib.
Tətbiqimizi yükləyə bilərsiniz
