“Çelsi”nin baş məşqçi postuna namizədlər açıqlandı – “talkSPORT”

“Bornmut”un baş məşqçisi Andoni İraola “Çelsi”dən istefaya göndərilən Liam Rosenyorun yerinə əsas namizəddir.
Yeniavaz.com xəbır verir ki, bu barədə “talkSPORT” məlumat yayıb.
Məlumata görə, potensial namizədlər arasında ”Nyukasl”dan Eddi Hau, “Portu”dan Françesko Farioli, həmçinin, Filipe Luis və Edin Terziç var.
Lakin İraola bu yay daimi təyinat üçün üstünlük verilən seçimdir. Bask məşqçisi artıq mövsümün sonunda hazırkı klubundan ayrılacağını rəsmən açıqlayıb.
İraola əvvəllər Oliver Qlasnerin varisi hesab edilən “Kristal Pelas”ın təklifini rədd etmişdi.
Kalum MakFarleyn cari mövsümün sonuna qədər “Çelsi”nin müvəqqəti baş məşqçisi vəzifəsini icra edəcək. O, Liam Rosenyorun istefasından dərhal sonra müvəqqəti baş məşqçi vəzifəsini icra etməyə başlayıb.
Klub yay mövsümü hazırlığının əvvəlinə qədər yeni məşqçini təsdiqləmək üçün hərtərəfli seçim prosesi aparmağı planlaşdırır.