“Düşünmürəm ki, bu, çox çəkəcək” − Budanov müharibə barədə

Ukrayna Prezident Aparatının rəhbəri və danışıqlar prosesinin əsas iştirakçısı Kirill Budanov hesab edir ki, sülh razılaşması uzun çəkməməlidir.
Yeniavaz.com xəbər verir ki, o, bu fikri “Bloomberg”ə verdiyi müsahibədə bildirib.
“Ruslar başa düşür ki, müharibə bitməlidir. Buna görə də onlar danışıqlar aparırlar. Düşünmürəm ki, bu, uzun çəkəcək”, - Budanov deyib. 
Məmur qeyd edib ki, Rusiya maliyyə səbəblərinə görə sürətli sülh razılaşmasında həqiqətən maraqlıdır:
“Bizdən fərqli olaraq, onlar öz pullarını xərcləyirlər. Bunlar böyük məbləğlərdir - artıq trilyonlarla”.
Budanovun sözlərinə görə, hər iki tərəf əvvəllər maksimalist mövqelər tuturdu, lakin indi tədricən kompromisə doğru irəliləyir. Lakin o, Donbas məsələsində hansı kompromisin ola biləcəyini dəqiqləşdirməyib.