“Liverpul” Salahın yerinə namizəd tapdı

“Liverpul” mövsümün sonunda klubdan ayrılacaq Məhəmməd Salahın yerinə namizəd tapıb.
Yeniavaz.com xəbər verir ki, bu barədə “Bild” qəzeti məlumat yayıb.
Məlumata görə, ingilis klubu “Hoffenhaym”ın 20 yaşlı cinah oyunçusu Bazumana Ture ilə maraqlanır.
Nəşrin məlumatına görə, klubun skautları artıq 31 martda Şotlandiya və Kot-d'İvuar arasında keçirilən oyunda iştirak ediblər və Ture tam 90 dəqiqə meydanda olub.
Gənc oyunçu ilə “Liverpul”dan başqa “Aston Villa” da maraqlanır.
Qeyd edək ki, bu mövsüm Bundesliqada 24 oyun keçirən Ture 2 qol vurub və 8 məhsuldar ötürmə edib. Bununla da o, “Hoffenhaym”ın ən çox məhsuldar ötürmə edən futbolçusu olub.
“Transfermarkt” portalına görə, hazırda onun transfer qiyməti 40 milyon avrodur.