“Dini zarafatlar etmək sizi cahil və irqçi göstərir” − Yamal

Lamin Yamal İspaniya ilə Misir arasında keçirilən yoldaşlıq oyununda (0-0) səsləndirilən təhqiramiz şüarlar barədə danışıb.
Yeniavaz.com xəbər verir ki, oyun Barselonada keçirildi.
Təxminən 20-ci dəqiqədə bəzi azarkeşlər “Kim tullanmırsa, müsəlmandır” deyə qışqırmağa başladılar.
Stadiondakı bəzi tamaşaçılar şüarın sədaları altında tullanmağa başladılar.
“Mən müsəlmanam, əlhəmdulillah. Dünən stadionda “Kim tullanmırsa, müsəlmandır” şüarları səsləndirilib. Bilirəm ki, bunlar rəqib komandaya yönəlmişdi və bu, şəxsən mənə deyilməyib, amma mənim üçün, bir müsəlman olaraq, bu, hörmətsizlik və qəbuledilməz olaraq qalır.
Başa düşürəm ki, bütün azarkeşlər belə deyil, amma bu şüarları səsləndirənlərə müraciət etmək istəyirəm: stadionda dini zarafat kimi istifadə etmək sizi cahil və irqçi göstərir. Futbol əyləncəli olmaq və komandanı dəstəkləməkdir, insanlara kim olduqlarına və ya inandıqlarına görə hörmətsizlik etmək deyil.
Buna baxmayaraq, bizi dəstəkləməyə gələn hər kəsə təşəkkür edirəm və Dünya Kubokunda görüşənədək” - oyunçu yazıb.