Azərbaycan millisi Syerra-Leone yığmasına qarşı hazırlıqlarını davam etdirib

Azərbaycan millisi “FIFA Series – 2026” turniri çərçivəsində Syerra-Leone yığmasına qarşı keçirəcəyi oyuna hazırlıqlarını davam etdirir.
Yeniavaz.com xəbər verir ki, komanda matç öncəsi son məşqinə çıxıb.
Baş məşqçi Ayxan Abbasovun rəhbərlik etdiyi kollektivin “Dalğa Arena”da baş tutan məşqinin ilk 15 dəqiqəsi mətbuat nümayəndələri üçün açıq olub. Futbolçular əvvəlcə isinmə hərəkətləri edib, daha sonra müxtəlif məşqlərlə hazırlıqlarını davam etdiriblər.
Xatırladaq ki, görüş martın 30-da Mehdi Hüseynzadə adına Sumqayıt şəhər stadionunda saat 19:00-da başlayacaq. Azərbaycan millisi bundan əvvəl, martın 27-də Sent Lüsiya yığmasını 6:1 hesabı ilə məğlub edib.