Qazaxıstanda ötən il Premyer Liqadan düşən “Turan” peşəkar futbol klubu hərraca çıxarılıb.
Yeniavaz.com TASS-a istinadla xəbər verir ki, komanda üçün başlanğıc qiymət 1 milyon tenge (təxminən 2100 dollar) müəyyən edilib.
Qiymətləndirmə hesabatına görə, məbləğ borclar və öhdəliklər nəzərə alınmaqla klubun bazar dəyərini təmsil edir.
Hərracda fiziki şəxslər və hüquqi şəxslərlə yanaşı, xarici şəxslər də iştirak etmək hüququna malikdir.
Alıcının hesabında futbolun inkişafı üçün nəzərdə tutulmuş ən azı 200 milyon tenge (400 000 dollar) olmalıdır.
Hərrac 3 martda başlayacaq və satış tək bir təklif verənlər üçün də açıq olacaq.
Lakin hərrac üçün başqa şərtlər də var. Belə ki, gələcək sahibi klubun hazırkı heyət səviyyəsini növbəti 10 il ərzində qorumağa, gənclər akademiyası yaratmağa, qadınlar komandasının inkişafına investisiya qoymağa və stadion müqavilələri imzalamağa borcludur.
Onun klubu yenidən satmaq və ya etibarnamə ilə vermək hüququ olmayacaq. Ən əsası, onun qarşısında 2027-ci ilə qədər “Turan”ı Premyer Liqaya qaytarmaq vəzifəsi durur.
Qeyd edək ki, Qazaxıstanın “Turan” klubu 2002-ci ildə təsis edilib. Premyer Liqada cəmi dörd mövsüm (2021-22 və 2024-25) oynayıb və iki dəfə Qazaxıstan Kubokunun dörddəbir finalına yüksəlib. Komanda əsasən Qazaxıstandan olan oyunçulardan ibarətdir. Eyni zamanda Rusiya və bir neçə Avropa ölkəsindən olan oyunçular da var.
“Turan”la yanaşı, eyni adlı şəhərdən olan digər bir Qazaxıstan klubu olan “Atırau” da hərraca çıxarılıb. Onun daha təsirli bir tarixi var: 2009-cu ildə komanda Qazaxıstan Kubokunu qazanıb və keçən il çətinliklə Premyer Liqada qala bilib. Ehtimal ki, buna görə də başlanğıc qiymət “Turan”dan 175 dəfə yüksəkdir, təxminən 175,6 milyon tenge (351 000 dollar). Komanda üçün investisiya tələbləri də daha sərtdir. Bu klub üçün hərrac martın 10-da keçiriləcək.
Tətbiqimizi yükləyə bilərsiniz
