1994-cü ilin aprelində ABŞ-nin Sietl əyalətindəki evində intihar edən “Nirvana” qrupunun solisti Kurt Kobeynin ölümü ilə bağlı qalmaqallı iddia ortaya çıxıb.
Yeniavaz.com “Daily Mail”ə istinadla xəbər verir ki, onilliklər sonra yarılma və cinayət yeri materiallarını nəzərdən keçirən məhkəmə ekspertlərindən ibarət xüsusi bir qrup intihar versiyasını sual altında qoyub.
Belə ki, cəmi üç günlük analizdən sonra məhkəmə-tibb eksperti Brayan Barnett Kobeynin ölümünü qətl hadisəsi adlandırıb:
“Bu, qətldir. Nəsə etmək lazımdır”.
Onun sözlərinə görə, yarılma nəticələri qeyri-adi orqan zədələnməsini göstərir və bu, güllə yarası ilə dərhal ölümdən daha çox heroin dozasının həddindən artıq qəbulu ilə uyğun gəlir.
Mütəxəssislər qeyd edirlər ki, versiyaya görə, Kobeyn ölümcül atışdan əvvəl fiziki olaraq hərəkətsiz qalıb və beləliklə, “intihar” hadisəsi səhnələşdirilib:
“Musiqiçinin əli təmiz idi ki, bu da ov tüfəngi üçün çox qeyri-adi haldır. Silah təxminən 6 funt ağırlığında idi və işləməsi üçün xeyli güc tələb olunurdu. Heroin kapsulaları və şprislər səliqəli şəkildə düzülmüşdü, sanki kimsə hadisəni hazırlamışdı. Kobeynin iddia edilən “son məktubu” fərqli bir əl yazısı ilə yazılmış və intihardan bəhs edilməmişdi. Səhnə sanki hər kəsin bunun intihar olduğuna inandırmasını istədiyi bir film idi”.
“King County” Tibbi Ekspertiza Mərkəzi isə rəsmi olaraq ölümü intihar kimi qiymətləndirib. Mərkəz və Sietl Polisi məhkəmə araşdırmasını əsaslandıracaq heç bir dəlil olmadığını bildirir.
Ekspertlər qrupu isə məqsədlərinin şəffaflığa nail olmaq və sübutların nəzərdən keçirilməsi olduğunu bildirirlər. Baxış tələbləri rədd edilsə də, rok ulduzunun son saatları ilə bağlı mübahisələr davam edir.
Qeyd edək ki, əfsanəvi musiqiçi 5 apreldə, 27 yaşında, Sietldəki evində başından aldığı güllə yarasından vəfat edib.
Tətbiqimizi yükləyə bilərsiniz
