Moskva Metropoliteni, mövcud təhlükəsizlik tədbirlərinə əlavə olaraq, lazım gələrsə, sərnişinlərin telefonlarını da yoxlaya bilər.
Yeniavaz.com xəbər verir ki, bu barədə Moskva Metropoliteninin mətbuat xidməti RBC-yə məlumat verib.
Bildirilib ki, telefon yoxlama tədbirləri ölkənin Nəqliyyat Nazirliyinin 4 fevral 2025-ci il tarixli əmrinə uyğun olaraq tətbiq olunur. Bu, nəqliyyat təhlükəsizliyini təmin etmək üçün yoxlama, eləcə də əlavə və təkrar yoxlama qaydalarını tənzimləyir.
Sənəddə deyilir ki, məsələn, telefonu və ya noutbuku yoxlamaq üçün metro işçiləri sərnişinlərdən cihazın işlədiyinə əmin olmaq üçün cihazı yandırmalarını tələb edə bilərlər.
Metro nümayəndələri vurğulayıblar ki, səyahət zamanı sərnişin təhlükəsizliyi və rahatlığı onların prioritetidir. Mətbuat xidməti təkrarlayıb ki, hazırda təhlükəsizlik səbəblərinə görə bütün Moskva Metropoliten sərnişinləri metal detektorlardan istifadə edərək yoxlanılır.
Qeyd edək ki, Sankt-Peterburq metrosunda artıq telefon və noutbuk yoxlamaları aparılır.
Tətbiqimizi yükləyə bilərsiniz
