İmişli rayonunun Hacıalmuradlı kənd orta məktəbinin direktorunun şagirdə qarşı fiziki zorakılıq törətdiyi iddia olunur.
Yeniavaz.com xəbər verir ki, sosial şəbəkələrdə məktəbin həyətində şagirdin fiziki zorakılığa məruz qalmasının kadrları da yayılıb.
Həmin görüntüləri təqdim edirik:
Mil-Muğan Regional Təhsil İdarəsindən “Qafqazinfo”ya bildirilib ki, hazırda məsələ ilə bağlı araşdırma aparılır:
“Sosial mediada yayılan və yeniyetməyə qarşı uyğunsuz davranışın əks olunduğu görüntülərlə bağlı bildiririk ki, hadisədə iştirak edən şəxslərin kimliyini və görüntünün nə zaman çəkildiyini dəqiq müəyyən etmək üçün araşdırma aparılır. Şagirdə qarşı uyğunsuz davranışa yola verən şəxsin İmişli rayonu Hacıalmuradlı kənd tam orta ümumtəhsil məktəbinin direktoru olması ilə bağlı yayılan iddiaların həqiqəti əks etdirib-etdirmədiyi nəzarətə götürülüb.
Yayılan görüntü ilə bağlı aparılan araşdırmanın gedişində hadisənin bütün detalları dəqiqləşdiriləcək və ictimaiyyətə məlumat veriləcək”.
Tətbiqimizi yükləyə bilərsiniz
