Qlobal fəlakətə 85 saniyə qaldı − “Qiyamət saatı” hələ də işləyir

Qlobal fəlakət təhlükəsini simvolizə edən “Qiyamət saatı” dörd saniyə irəli çəkilib.
Yeniavaz.com “Atom elmləri bülleteni” jurnalına istinadən xəbər verir ki, indi saat 23:58:35 göstərir.
Nüvə gecə yarısına 85 saniyə qalıb. Saatın əqrəbləri heç vaxt gecə yarısına bu qədər yaxın olmayıb.
Qeyd edək ki, bundan öncə “Qiyamət saatı” 23:58:31 göstərib.
“Qiyamət saatı” 1947-ci ildən bəri mövcud olan “Atom elmləri bülleteni” jurnalının layihəsidir. Gecə yarısına qədər qalan vaxt beynəlxalq vəziyyətdəki gərginliyi və nüvə silahlarının inkişafının irəliləməsini simvollaşdırır. Gecə yarısının özü nüvə fəlakətinin anını simvollaşdırır. Saatın dəyişdirilməsi qərarı jurnalın direktorlar şurası tərəfindən 18 Nobel mükafatı laureatı da daxil olmaqla dəvət olunmuş mütəxəssislərin köməyi ilə qəbul edilir. İlkin olaraq saat 23:53-də qurulmuşdu. Gecə yarısından ən böyük məsafə (23:43) soyuq müharibənin bitməsindən sonra, 1991-ci ildə qeydə alınıb.