Rusiya, Ukrayna və ABŞ arasında Əbu-Dabidə keçirilən ilk üçtərəfli sülh danışıqları heç bir irəliləyiş olmadan başa çatıb.
Yeniavaz.com xəbər verir ki, bu barədə BBC məlumat yayıb.
Bildirilir ki, Ukrayna Prezidenti Volodimir Zelenski gələn həftə ikinci görüşün keçirilməsi ehtimalını zəif hesab edir, Amerika rəsmisi isə yeni görüşün 1 fevralda başlayacağını bildirib.
Ukrayna rəsmiləri bildiriblər ki, iki günlük danışıqlar Rusiyanın Ukraynanın ciddi şəkildə zədələnmiş enerji infrastrukturunu hədəf alan hava hücumlarında bir nəfərin ölməsi və 35 nəfərin yaralanmasından sonra başa çatıb.
“Rusiya Ukraynanı nəzarəti altında olan Ukrayna ərazisində təcili yardım maşınına hücum etməkdə və nəticədə üç tibb işçisinin ölümündə ittiham edib. Daha sonra isə Belqorodda enerji infrastrukturuna Ukrayna raket hücumu barədə məlumat yayıb”, - nəşr yazır.
Qeyd edək ki, Əbu-Dabidəki danışıqlar, Kremlin 2022-ci ildə qonşusuna tammiqyaslı işğalına başlamasından bəri ilk üçtərəfli görüş idi.
Tətbiqimizi yükləyə bilərsiniz
