ABŞ Prezidenti Donald Tramp administrasiyasının Qrenlandiyanı ələ keçirmək planlarını dəstəkləməyən ölkələrə tarif tətbiq etməyə hazır olduğunu açıqlayıb.
Yeniavaz.com xəbər verir ki, Tramp bu açıqlamanı Ağ Evdə keçirilən tədbirdə verib.
“ABŞ-nin Qrenlandiyaya iddiaları ilə razılaşmayan ölkələrə tarif tətbiq edə bilərəm, çünki milli təhlükəsizlik üçün Qrenlandiyaya ehtiyacımız var”, - Tramp bildirib.
Həmçinin ABŞ başçısı özünü “tariflərin kralı” adlandırıb.
Xatırladaq ki, son həftələrdə Donald Tramp Danimarkanın muxtar ərazisi olan Qrenlandiyaya ABŞ-nin iddialarını dəfələrlə irəli sürüb. O, adanın ələ keçirilməsinin zəruri olduğunu iddia edib, çünki “Rusiya və Çin gəmiləri Qrenlandiyanın ətrafındadır”.
Tətbiqimizi yükləyə bilərsiniz
