Dünyada milyonlarla istifadəçi sağlamlıq məlumatları almaq üçün ChatGPT-dən istifadə edir.
Yeniavaz.com xarici KİV-ə istinadla xəbər verir ki, gündəlik olaraq 40 milyondan çox insan chatbotdan istifadə edir və bütün sorğuların təxminən 5%-i tibbi mövzularla bağlıdır.
Xidmətin təxminən 800 milyon daimi istifadəçisinin dörddə biri sağlamlıq problemləri ilə maraqlanır.
ABŞ-də “ChatGPT” getdikcə təkcə xəstələr tərəfindən deyil, həm də səhiyyə işçiləri tərəfindən istifadə olunur.
Amerika Tibb Assosiasiyasının məlumatına görə, 2024-cü ilə qədər həkimlərin 66%-i peşəkar fəaliyyətlərində süni intellekt əsaslı həllərdən istifadə edib. Bu, bir il əvvəlki 38%-lə müqayisədə daha yüksəkdir.
Süni intellekt tibbi qeydlərin idarə edilməsi, müalicə planlaşdırması və tədqiqat təhlili üçün istifadə olunur.
Niderlandın “Wolters Kluwer” şirkəti tərəfindən aparılan bir araşdırma, ABŞ-də hər iki səhiyyə işçisindən birinin həm mətn, həm də video məzmun yaratmaq üçün süni intellektdən istifadə etdiyini müəyyən edib. Tibb bacıları arasında belə istifadəçilərin payı 46%, əczaçılar arasında isə 41% təşkil edib. Onların bir çoxu həftədə ən azı bir dəfə çatbotlardan istifadə edir.
“ChatGPT” xüsusilə tibb müəssisələri və mütəxəssislərin çatışmazlığı olan kənd yerlərində populyardır. “OpenAI”nin məlumatına görə, bu cür yerlərdən həftəlik olaraq təxminən 580 000 səhiyyə ilə bağlı sorğu daxil olur.
Sorğular göstərir ki, amerikalıların 55%-i simptomları yoxlamaq, 48%-i tibbi terminləri və tövsiyələri aydınlaşdırmaq, 44%-i isə mümkün müalicə variantları haqqında məlumat tapmaq üçün chatbotdan istifadə edib.
Eyni zamanda, “OpenAI” səhiyyədə süni intellektdən istifadənin tənzimlənməsinə ehtiyac olduğunu vurğulayır. Buna görə də, şirkət bu texnologiyaların təhlükəsizliyini artırmaq və onların tibbi praktikada tətbiqini asanlaşdırmaq məqsədi daşıyan tövsiyələr dərc etməyi planlaşdırır.
Tətbiqimizi yükləyə bilərsiniz
