ABŞ-nin 40-cı prezidenti Ronald Reyqanın oğlu Maykl Reyqan 80 yaşında Los-Ancelesdə vəfat edib.
Yeniavaz.com xəbər verir ki, ailəsi bu barədə “ABC News”a məlumat verib.
Bildirilib ki, Maykl Reyqan bazar günü, yanvarın 4-də yaxınlarının əhatəsində vəfat edib. Ailə onun mehriban ər, ata, baba olduğunu qeyd edib, itkisindən dərin kədər hissi keçirdiklərini vurğulayıblar.
KİV-in məlumatına görə, Reyqan xərçənglə uzun sürən mübarizədən sonra dünyasını dəyişib.
Maykl mühafizəkar siyasi şərhçi, milli sindikatlaşdırılmış radio aparıcısı, müəllif və ictimai natiq kimi tanınıb. Ronald Reyqan Prezident Kitabxanası Fondu və İnstitutu onu atasının irsinin möhkəm qəyyumu adlandırıb.
Tətbiqimizi yükləyə bilərsiniz
