Yaponiyanın Qunma prefekturasında sürətli yolda 67 avtomobilin iştirakı ilə böyük qəza baş verib.
Yeniavaz.com xəbər verir ki, bu barədə “Kyodo” polisə istinadən məlumat yayıb.
Bildirilib ki, qəza nəticəsində 2 nəfər ölüb, 26 nəfər yaralanıb.
Qəza dekabrın 26-da axşam saatlarında Minakami şəhəri yaxınlığındakı Kanetsu ekspress yolunda baş verib. Həmin vaxt güclü qar xəbərdarlığı qüvvədə idi və magistralda sürət həddi saatda 50 kilometr idi.
Polis kütləvi qəzaya səbəb buzlu hava olduğunu düşünür. Həm minik, həm də yük maşınları toqquşub. Qəza nəticəsində 20-yə yaxın avtomobil yanıb. Yanğınsöndürənlər yanğınların söndürülməsinə yeddi saatdan çox vaxt sərf ediblər.
Tətbiqimizi yükləyə bilərsiniz
