“Friends” (1994-2004) və “Doctor House” (2004-2012) seriallarında epizodik rolları canlandıran amerikalı aktyor Pet Finn 61 yaşında vəfat edib.
Yeniavaz.com xəbər verir ki, bu barədə “New York Post” (NYP) məlumat yayıb.
Bildirilib ki, Finn dekabrın 22-də vəfat edib. O, 2022-ci ildən xərçənglə mübarizə aparırdı.
“Finn ailəsi çox böyük kədər hissi ilə sevimli komediya aktyoru Pet Finnin vəfatını elan edir”, – nəşr aktyorun nümayəndəsinin bəyanatından sitat gətirib.
Qeyd edək ki, “Friends”də Finn Monikanın sevgilisi Doktor Roceri, “Doctor House”da isə senator Andersonu canlandırıb. Finnin müxtəlif filmlərdə və televiziya seriallarında 60-dan çox rolu var.
Tətbiqimizi yükləyə bilərsiniz
