Uzun illərdir Türkiyənin ATV telekanalında Ramazan proqramlarını aparan professor Dr. Nihat Hatipoğlu bu ilki iftar və sahur proqramlarında aparıcılıq etməyəcək.
Yeniavaz.com Türkiyə KİV-ə istinadla xəbər verir ki, bu barədə o özü məlumat yayıb.
Professor Dr. Nihat Hatipoğlunun televiziyadan ayrılacağı ilə bağlı şayiələr sosial mediada müzakirə mövzusuna çevrilib.
Onun 2026-cı ilin yanvar ayında ATV-də, yoxsa başqa kanalda olacağı da maraq doğuran məsələdir.
Sözügedən kanalda yayımlanan Ramazan verilişlərinin aparıcısının kim olacağı isə açıqlanmayıb.
Həmçinin, Nihat Hatipoğlunun 2026-cı ildə Ramazan proqramına aparıcılıq etməmək qərarı ilə bağlı ATV-dən rəsmi açıqlama da yoxdur.
Qeyd edək ki, Nihat Hatipoğlu 11 may 1955-ci ildə Diyarbəkirdə anadan olub. 1975-ci ildə Uşak İmam Hatip Liseyini, 1981-ci ildə isə Ankara Universitetinin İlahiyyat Fakültəsini bitirib. Doktorluq dərəcəsini “Qurani-Kərimin Anlaşılmasında Hədislərin Rolu” adlı dissertasiyası ilə alıb. 2012-ci ildə ilahiyyat professoru olub. Beş il sonra Ali Təhsil Şurasına seçilib. Özəl televiziya kanallarında proqramlar aparmağa başlayan Nihat Hatipoğlu çoxsaylı radio proqramlarının da müəllifidir.
Tətbiqimizi yükləyə bilərsiniz
