Əsəd yenidən həkimlik etmək istəyir?

Suriyanın keçmiş prezidenti Bəşər Əsəd tibb karyerasına yenidən qayıtmaq qərarına gəlib.
Yeniavaz.com xəbər verir ki, bu barədə “The Guardian” qəzeti Əsəd ailəsinə yaxın mənbəyə istinadla məlumat yayıb.
Mənbənin məlumatına görə, Yaxın Şərqin son BƏƏS rejiminin lideri hazırda sinifdə oturub oftalmologiya dərsləri alır.
“O, rus dilini öyrənir və yenidən oftalmologiya təhsilini təkmilləşdirir. Suriyadakı müharibə başlamazdan əvvəl də o, müntəzəm olaraq Dəməşqdə oftalmologiya ilə məşğul olurdu”, - mənbə qeyd edib.
Bildirilib ki, gələcəkdə onun əsas müştəriləri Moskvadakı varlı elita ola bilər.
Nəşr iddia edir ki, Əsəd sərvətinin bir hissəsini Rusiyaya köçürə bildiyindən maliyyə çətinliyi ilə üzləşmir. Oftalmologiya sadəcə olaraq, onun ehtirasıdır.
Eyni zamanda, ailənin Moskvanın qərbində prestijli Rublyovka yaşayış məntəqəsində “sakit və dəbdəbəli” həyat sürdüyü bildirilib.
Mənbənin bildirdiyinə görə, Əsəd xarici aləmlə çox az, demək olar ki, heç bir əlaqə saxlamır. O, yalnız sarayında olan bir neçə nəfərlə, məsələn, Mənsur Əzzam və Yassar İbrahimlə əlaqə saxlayır.
Ümumilikdə, Əsəd ailəsinin ictimaiyyət qarşısında çıxış etmədiyi, siyasi fəaliyyətlərdə iştirak etmədiyi, sosial mediadan istifadə etmədiyi və nadir hallarda ictimaiyyət qarşısına çıxdığı bildirilir.