Danimarkanın Xarici və Hərbi Kəşfiyyat Xidməti ilk dəfə olaraq ABŞ-ni ölkənin təhlükəsizliyi üçün potensial təhlükə adlandırıb.
Yeniavaz.com xəbər verir ki, “Bloomberg” bu barədə Xidmətin 2025-ci il hesabatına istinadən məlumat yayıb.
Sənəddə bildirilir ki, Birləşmiş Ştatlar getdikcə daha çox öz maraqlarını üstün tutur və iqtisadi və texnoloji gücündən güc aləti kimi istifadə edir, o cümlədən müttəfiqləri və tərəfdaşları ilə münasibətlərdə.
Danimarka kəşfiyyatı həmçinin ABŞ-nin Arktikada möhkəm güc rəqabəti fonunda Qrenlandiyaya marağının artdığını qeyd edir.
“Birləşmiş Ştatlar iqtisadi gücdən, o cümlədən yüksək tariflərlə hədə-qorxudan öz iradəsini tətbiq etmək üçün istifadə edir və artıq hərbi güc tətbiqini, hətta müttəfiqlərə qarşı da istisna etmir”, - sənəddə deyilir.
Eyni zamanda, Danimarka kəşfiyyatı Rusiya və Çini əsas təhlükəsizlik təhdidləri hesab etməkdə davam edir. Konkret olaraq, hesabatda qeyd edilir ki, ABŞ-nin Avropa təhlükəsizliyinin təminatçısı kimi rolu ilə bağlı qeyri-müəyyənlik Rusiyanın NATO ölkələrinə qarşı hibrid hücumlarını gücləndirməyə hazırlığını artıra bilər. Danimarka kəşfiyyatı Baltik dənizi regionunu Rusiyanın NATO-ya qarşı hərbi güc tətbiq edə biləcəyi ən yüksək risk zonası hesab edir.
Tətbiqimizi yükləyə bilərsiniz
