“Aİ Rusiyanı çirkli pulların yuyulması riski yüksək olan ölkələr siyahısına saldı” − KİV

“Avropa İttifaqı Rusiyanı çirkli pulların yuyulması və terrorçuluğun maliyyələşdirilməsi riski yüksək olan ölkələr siyahısına əlavə edib” .
Yeniavaz.com xəbər verir ki, bu barədə “Politico” müvafiq sənədə və iki məmura istinadən məlumat yayıb.
Bildirilib ki, bundan əvvəl antikorrupsiya üzrə ekspert İlya Şumanov da mənbəyə istinadən Aİ-nin Rusiyanı bu siyahıya əlavə etmək planları barədə yazıb.
Yayımlanan vaxt heç bir rəsmi açıqlama verilməyib.
Qeyd edək ki, bir ölkənin çirkli pulların yuyulması və terrorçuluğun maliyyələşdirilməsi riski yüksək olan ölkələr siyahısına əlavə edilməsi, bütün əməliyyatlar üzrə hərtərəfli lazımi araşdırma da daxil olmaqla, həmin ölkədən olan təşkilatların və ya şəxslərin iştirak etdiyi maliyyə əməliyyatlarına nəzarətin əhəmiyyətli dərəcədə gücləndirilməsini tələb edir.
Tipik olaraq, çirkli pulların yuyulması və terrorçuluğun maliyyələşdirilməsi riski yüksək olan ölkələrin Avropa siyahısı çirkli pulların yuyulması üzrə hökumətlərarası qurum olan Maliyyə Fəaliyyəti üzrə İşçi Qrupunun (FATF) siyahısına uyğun gəlir. Rusiya 2003-cü ildən FATF-ın üzvü idi, lakin 2022-ci ildə Ukrayna ilə böyük müharibənin başlamasından sonra onun üzvlüyü dayandırıldı. FATF dəfələrlə Rusiyanı qara siyahıya (məsələn, Şimali Koreya və İran daxildir) və ya boz siyahıya salmağa çağırıb, lakin belə bir qərar qəbul edilməyib.