İsrail ordusu basqınlar etdi – 13 fələstinli saxlanıldı

İsrail ordusu İordan çayının qərb sahilinin müxtəlif bölgələrində basqınlar həyata keçirib.
Yeniavaz.com xəbər verir ki, bu barədə Fələstinin rəsmi xəbər agentliyi WAFA məlumat yayıb.
Bildirilib ki, bu basqınlarda 13 fələstinli İsrail əsgərləri tərəfindən saxlanılıb.
Bildirilib ki, İsrailin Qəzza zolağına qarşı hücuma başladığı 2023-cü ilin oktyabrından bəri işğal altındakı İordan çayının qərb sahili və Şərqi Qüdsdə fələstinliləri hədəf alan həbslər, basqınlar və hücumlarda artım müşahidə olunur.
“2023-cü ilin oktyabrından bəri İsrail ordusunun əməliyyatları nəticəsində İordan çayının qərb sahilində 1085 fələstinli ölüb, 11 min nəfər yaralanıb, 21 mindən çoxu isə həbs edilib,” – agentliyin məlumatında deyilir.