Şəkərsiz çay boş kalori qəbulunu azaltmağa kömək edə bilər.
Yeniavaz.com xəbər verir ki, bu barədə Ufadakı Müharibə Veteranlarının Respublika Hospitalının mütəxəssisləri ufatime.ru-ya danışıblar.
Onlar deyirlər ki, gündə iki parça şəkərlə cəmi beş stəkan çay əlavə 350 kilokalori verir ki, bu da böyük sendviçlə müqayisə oluna bilər. Mütəxəssislər əlavə edir ki, şirin çaydan imtiha pəhrizdə kəskin dəyişikliklər olmadan çəki idarə etməyə kömək edir.
Həkimlər həmçinin şəkərsiz çayın digər faydası kimi ağız boşluğu xəstəliklərinin, o cümlədən dişlərin çürüməsinin inkişaf riskinin azaldığını qeyd edirlər. Bundan əlavə, şəkərin kəsilməsi faydalıdır, çünki o, içkinin tərkibindəki antioksidantların udulmasına mane olur.
Həkimlərin fikrincə, zaman keçdikcə dad reseptorları şəkərsiz içkilərə uyğunlaşır. Bu, insana çayın və digər qidaların təbii dad və ətirlərini daha yaxşı qiymətləndirməyə imkan verir.
Tətbiqimizi yükləyə bilərsiniz
