Hansı rayonda əhali nə qədər qaz istehlak edib? – Tam siyahı

Azərbaycan əhalisi il ərzində ümumilikdə 4 milyard 40,3 milyon kub metr təbii qaz istehlak edib.
Yeniavaz.com xəbər verir ki, əhalinin ümumi sayı 10 milyon 224,9 min nəfər təşkil edib və bu göstəricilərə əsasən, bir nəfərə düşən illik təbii qaz istehlakı orta hesabla 395 kub metr olub.
Qeyd edək ki, ən çox qaz istehlakı Naftalan şəhərində qeydə alınıb. Burada hər bir sakinə orta hesabla 1244 kub metr qaz düşüb. İkinci yerdə Abşeron rayonu (721,6 kub metr), üçüncü yerdə isə Bakı şəhəri (634 kub metr) qərarlaşıb. Bunkardan başqa yüksək istehlak səviyyəsi Göygöl rayonu (534,6 kub metr), Gəncə şəhəri (441,6 kub metr) və Qəbələ rayonunda (414,5 kub metr) müşahidə olunub.
Ən az qaz istehlak edən rayon isə Cəbrayıl olub. Burada bir nəfərə düşən illik təbii qaz istehlakı cəmi 2,7 kub metr təşkil edib. Xocalı (12,8 kub metr), Laçın (28,9 kub metr), Xankəndi (45,5 kub metr) və Yardımlı (67,9 kub metr) rayonları da ən aşağı göstəricilərə malik bölgələr sırasındadır.
Naxçıvan Muxtar Respublikasında bir nəfərə düşən qaz istehlakı 270 kub metr olub ki, bu da ölkə üzrə orta göstəricidən aşağıdır.
Ümumilikdə isə Naftalan şəhəri ilə Cəbrayıl rayonu arasında bir nəfərə düşən qaz istehlakı baxımından təxminən 460 dəfə fərq var.
Onu da qeyd edək ki, 7 rayonda – Ağdərə, Xocavənd, Şuşa, Kəlbəcər, Qubadlı və Zəngilanda təbii qaz istehlakı qeydə alınmayıb.

Elnur Əli