Son zamanlar Yaponiyanın şimalında yerli sakinlərlə boz və Himalay ayıları arasında toqquşmalar tez-tez baş verir və bəzən ölümlə nəticələnir.
Yeniavaz.com “ABC News”a istinadla xəbər verir ki, ayılarla daha çox toqquşma, qış yuxusu mövsümü ərəfəsində, ayıların aktiv şəkildə qida axtarmağa başladığı bir vaxtda baş verir.
Bildirilir ki, yerli sakinlər məktəblərin, qatar stansiyalarının, supermarketlərin və isti bulaqların yaxınlığında ayı görüblər.
Ekologiya Nazirliyinin məlumatına görə, oktyabrın sonunda Yaponiyada ayı hücumları nəticəsində 100-dən çox insan xəsarət alıb, onlardan 12-si ölüb. “Naked Science” yazır ki, heyvanlar tez-tez populyasiyalarının sürətlə qocaldığı və azalan əraziləri işğal edirlər. Üstəlik, az sayda yerli sakin ayı kimi iri heyvanları ovlamaq üçün öyrədilir.
Yaponiya hökumətinin məlumatına görə, ölkədə ayıların ümumi sayı 54 mini ötüb.
Akita prefekturası və Müdafiə Nazirliyi regionda əsgərlərin yerləşdirilməsi ilə bağlı müqavilə imzalayıb. Müqaviləyə əsasən, əsgərlər yemək tələləri quracaq, yerli ovçuları müşayiət edəcək və ölü heyvanları məhv etməyə kömək edəcək. Rəsmilər bildiriblər ki, əsgərlər ayıların öldürülməsində birbaşa iştirak etməyəcək.
Qeyd olunur ki, may ayından bəri Akita prefekturasında ayılar 50-dən çox insana hücum edib, 4 nəfər ölüb. Mütəxəssislər hücumların əksəriyyətinin yaşayış məntəqələrində baş verdiyini bildirir.
Tətbiqimizi yükləyə bilərsiniz
