Conni Depp böyük ekrana qayıdır

Conni Depp Çarlz Dikkensin məşhur “A Christmas Carol” romanının yeni adaptasiyasında Ebenezer Skruc rolunda böyük ekrana qayıdacaq.
Yeniavaz.com xəbər verir ki, bu barədə “Paramount Pictures” məlumat yayıb.
Bildirilib ki, “Ebenezer: Milad mahnısı” adlı film 13 noyabr 2026-cı ildə kinoteatrlarda nümayiş olunacaq.
“Bu versiya Dikkensin Londonunda cərəyan edən cazibədar bir xəyal hekayəsidir. Film bir adamın keçmiş, indi və gələcəklə üzləşərək ikinci şans üçün mübarizə aparan səyahətini göstərir”, - press-relizdə deyilir.
Filmə “X”, “İnci” və “Maxxine” filmlərindəki işi ilə tanınan Ti Uest rejissorluq edəcək, ekran işini isə Nataniel Halpern edəcək. Filmdə “Oskar” mükafatına namizəd Andrea Rayzboro da çəkilib.
Qeyd edək ki, “Ebenezer: Milad mahnısı” Deppin “Barbarları gözləyirik” (2019) və “Fantastik heyvanlar: Grindelvaldın cinayətləri” (2018) filmindən sonra ilk böyük studiya filmi olacaq. Depp keçmiş həyat yoldaşı Ember Herdə qarşı böhtan iddiasından sonra Hollivud layihələrindən uzaqlaşıb.