Avropa Futbol Assosiasiyaları İttifaqı (UEFA) İspaniya və İtaliya liqalarının iki oyununun həmin ölkələrdən kənarda keçirilməsinə razılıq vermək qərarına gəlib.
Yeniavaz.com xəbər verir ki, bu barədə UEFA-nın mətbuat xidmətindən məlumat verilib.
Qərara əsasən, İspaniya liqasından “Barselona”-“Vilyarreal” matçı ABŞ-nin Mayami, İtaliya liqasından “Milan”-“Komo” oyunu isə Avstraliyanın Pert şəhərində keçiriləcək.
“Barselona”-“Vilyarreal” oyunu dekabrın 21-ə, “Milan”-“Komo” görüşü isə fevralın 6-na təyin edilib.
UEFA İcraiyyə Komitəsi bu qərarın istisna xarakter daşıdığını bildirib.
“Məqsədimiz aydındır: milli futbolun bütövlüyünü qorumaq və futbolun doğma mühitində qalmasını təmin etmək”, - UEFA İcraiyyə Komitəsi qeyd edib.
Tətbiqimizi yükləyə bilərsiniz
