“Sony” “PlayStation 4”ü dəstəkləməyəcək

“Sony” “PlayStation 4” konsoluna dəstəyi dayandırmağı planlaşdırır.
Yeniavaz.com xəbər verir ki, bu barədə “Insider Gaming” məlumat yayıb. 
Nəşrin baş redaktoru Tom Henderson tərəfindən əldə edilən daxili sənədlər “Sony”nin PS4-ü “təqaüdə çıxarmağı” planlaşdırdığını göstərir. İT nəhəngi bu yazda konsol üçün bir sıra xidmətləri bağlayacaq. Məsələn, “PlayStation Network” (PSN) artıq istifadəçiləri və profilləri, fəaliyyət lenti API-sini və digər xüsusiyyətləri göstərməyəcək.
Hendersonun sözlərinə görə, cihazı bəzi internet xidmətlərindən ayırmaq şirkətin konsola dəstəyi tədricən dayandırması deməkdir. “PlayStation 4” 2013-cü ildə buraxılıb, lakin istifadəçilər arasında populyar olaraq qalır. İnsayder qeyd edib ki, oyunçular cəmi bir neçə ildən sonra gözlənilən PS6-nın buraxılışını gözləyirlər.
Hesabatda bildirilir ki, hətta “PlayStation 4”ə dəstək bitdikdən sonra da o, istifadəyə yararlı olacaq. Oyunlar hələ də konsolda işləyəcək, xüsusən də fiziki mediada mövcuddursa.