SOCAR işçilərə nə qədər maaş verir?

Azərbaycan Dövlət Neft Şirkətində (SOCAR) faktiki işləyən muzdlu işçilərin (əmək müqaviləsi ilə) sayı ötən il 12 min 440 nəfər olub.
Yeniavaz.com açıqlanan rəsmi məlumatlara istinadən xəbər verir ki, bu işçilərin 4 nəfərini əcnəbi və vətəndaşlığı olmayan şəxslər təşkil edib.
Qeyd edək ki, ötən il SOCAR şirkətində muzdlu işçilərə pul və natura formasında hesablanan əməkhaqqı fondu 327 milyon 914,6 min manat olub. Əməkhaqqı fondundan bir işçiyə düşən aylıq vəsait 2 min 197 manat olub.
Əcnəbi və vətəndaşlığı olmayan şəxslər üçün hesablanan əməkhaqqı fondu isə 213,7 min manat təşkil edib. SOCAR-da əcnəbi və vətəndaşlığı olmayan bir işçiyə düşən aylıq məbləğ 4 min 450 manat olub.

Elnur Əli