Rusiyanın Kiyev vilayətinin Slavutiç şəhərinin enerji infrastrukturuna zərbə endirib.
Yeniavaz.com xəbər verir ki, bu barədə Ukraynanın Energetika Nazirliyi məlumat yayıb.
Bildirilib ki, zərbə nəticəsində Çernobıl Atom Elektrik Stansiyasının 4-cü blokunun üzərindəki sarkofaq işıqsız qalıb.
Nazirlik mərmilərin Çernobıl AES-də işıqların kəsilməsinə səbəb olduğunu və stansiyada fövqəladə vəziyyət yarandığını iddia edir.
“Elektrik enerjisinin kəsilməsi nəticəsində Çernobıl Atom Elektrik Stansiyasının zədələnmiş 4-cü blokunu təcrid edən və ətraf mühitə radioaktiv materialların buraxılmasının qarşısını alan əsas obyekt olan “Yeni Təhlükəsiz Saxlanılma” elektriksiz qalıb”, - nazirlikdən bildirilib.
Verilən məlumata görə, hazırda mütəxəssislər elektrik enerjisini bərpa etməyə çalışırlar. Ukrayna hakimiyyəti radiasiya səviyyəsində hər hansı dəyişiklik barədə məlumat verməyib.
Qeyd edək ki, Rusiya qoşunları oktyabrın 1-də axşam saatlarında Slavutiçdə elektrik yarımstansiyasına zərbələr endirib, şəhərin meri Yuri Fomiçev bildirib ki, zərbə zavodda yanğına səbəb olub. Kiyev vilayətinin hakimiyyət orqanları elektrik obyektinə pilotsuz təyyarənin hücum etdiyini qeyd edib. Saat 18:00-a qədər təxminən 20 000 yerli sakin işıqsız qalıb. Qonşu Çerniqov vilayətinin də bir neçə kəndi işıqsız qalıb.
Tətbiqimizi yükləyə bilərsiniz
