Yetkinlik dövründə siqaret çəkmək, siqaret çəkənin gələcək uşaqlarında qocalma sürətinə təsir göstərə bilər.
Yeniavaz.com xəbər verir ki, bu nəticəyə Norveçin Bergen Universitetinin alimləri gəlib.
Tədqiqatın müəllifləri müəyyən ediblər ki, ataları 15 və ya daha erkən yaşda siqaret çəkməyə başlayan fərdlərdə öz yaşıdlarına nisbətən bioloji qocalmanın daha bariz əlamətləri var. Orta hesabla, bu tədqiqat iştirakçıları 9-12 aylıq doğum yaşlarından "yaşlı" göründülər.
Tədqiqatda “epigenetik saat” adlanan molekulyar markerlərdən istifadə edilib, bu da yaşlanma ilə bağlı DNT-dəki dəyişiklikləri və xərçəng, artrit və demans kimi xəstəliklərin artması riskini əks etdirir.
“Nəticələrimiz göstərir ki, yetkinlik dövründə siqaret çəkməyə başlayan oğlan uşaqları bilmədən gələcək uşaqlarına zərər verə bilər. Biz inanırıq ki, bu dövrdə tütündən istifadə spermanın epigenetik materialını dəyişdirə bilər və bu dəyişikliklər gələcək nəslə ötürülür”, - tədqiqatın rəhbəri Juan Pablo López-Cervantes qeyd edib.
Mütəxəssislərin fikrincə, tapıntılar yeniyetmələrin siqaret çəkməsi və nikotin asılılığının qarşısının alınması üçün daha sərt tədbirlərin görülməsinə ehtiyac olduğunu göstərir:
“Siqaretin zərərləri nəsillərə ötürülə bilər. Və siqaret çəkən yeniyetmələrin nisbəti getdikcə azalsa da, onlar getdikcə təsirləri hələ tam öyrənilməmiş veyp məhsullarından istifadə edirlər”.
Tətbiqimizi yükləyə bilərsiniz
