“Əl-Nəsr”in portuqaliyalı hücumçusu Kriştiano Ronaldo Səudiyyə Ərəbistanı çempionatının son mövsümünün ən güclü bombardiri kimi “Qızıl buts” alıb.
Yeniavaz.com xəbər verir ki, bu barədə klubun mətbuat xidməti məlumat yayıb.
“Əl-Nəsr”in kapitanı Kriştiano Ronaldo 2024/2025-ci il mövsümü üçün - ardıcıl ikinci dəfə “Qızıl buts”u alıb. Mükafatı ona “Əl-Nəsr”in keçmiş kapitanı və klub tarixinin bombardiri Məcid Abdulla təqdim edib”, - məlumatda deyilib.
Qeyd edək ki, Səudiyyə Ərəbistanı çempionatının ötən mövsümündə Ronaldo 30 matçda iştirak edib, 25 qol və 3 məhsuldar ötürmə edib. Forvard 2023-cü ildən “Əl-Nəsr”də çıxış edir. Hücumçunun klubla müqaviləsi 2027-ci ilə kimi nəzərdə tutulub.
Tətbiqimizi yükləyə bilərsiniz
