7 ay ərzində Azərbaycana 675 min smartfon gətirilib – Ölkələr və qiymətlər

Bu ilin ilk 7 ayı ərzində Azərbaycana xarici ölkələrdən 675 min 164 ədəd smartfon gətirilib.
Yeniavaz.com açıqlanan rəsmi məlumatlara istinadən xəbər verir ki, idxal olunan smartfonların ümumi dəyəri 217,5 milyon dollar olub.
Qeyd edək ki, ötən ilin eyni dövründə xaricdən daha çox – 770 min 523 ədəd smartfon gətirilib.
Bu il Azərbaycana smartfonlar ən çox Çindən gətirib. Bu ölkədən Azərbaycana yanvar-iyul aylarında 538 min 877 ədəd smartfon idxal olunub. Ən az smartfon isə ABŞ-dən gətirilib. Bu ilin ilk 7 ayında ABŞ-dən cəmi 1 smartfon gətirilib.
Bu ilin ilk 7 ayında idxal edilən smartfonların ölkələr üzrə miqdarı və 1 ədədinin orta gömrük dəyəri (ölkəyə giriş qiyməti) aşağıdakı kimi olub:
Çin – 538 877 ədəd (308 dollar);
Vyetnam – 128 101 ədəd (369 dollar);
Hindistan – 7 839 ədəd (549 dollar);
ABŞ – 1 ədəd (230 dollar);
İndoneziya – 110 ədəd (240 dollar);
Koreya – 230 ədəd (120 dollar);
Meksika – 3 ədəd (103 dollar);
Almaniya – 3 ədəd (2 076 dollar).

Elnur Əli