Dövlət Komitəsi BMT-nin tədbirində tərcüməçiyə 9 930 manat ödəyəcək

Ailə, Qadın və Uşaq Problemləri üzrə Dövlət Komitəsi "Prime Events" MMC (VÖEN – 1308997061) ilə satınalma müqaviləsi imzalayıb.
Yeniavaz.com xəbər verir ki, müqavilə bir mənbədən satınalma metodu əsasında imzalanıb.
Müqavilənin şərtlərinə görə, "Prime Events" MMC 22 sentyabr 2025-ci il tarixində, Nyu-Yorkda BMT-nin BA-nın 79/288 saylı qətnaməsi əsasında üzv dövlətlərin yüksək vəzifəli rəsmi şəxslərinin iştirakı ilə təşkil ediləcək “Qadınların Dördüncü Ümumdünya Konfransının otuz illiyi” ilə bağlı yüksək səviyyəli tədbirdə bir nəfər nümayəndə üçün tərcüməçi xidməti göstərəcək və qarşılığında 9 min 930 manat alacaq.

Elnur Əli