Şahzadə Harri atası ilə görüşməyə hazırlaşır

Şahzadə Harri 20 aydan sonra ilk dəfə atası, Böyük Britaniya kralı III Çarlzla görüşə bilər.
Yeniavaz.com xəbər verir ki, bu barədə “The Mirror” məlumat yayıb.
Sasseks hersoqu uzun müddətdir dəstəklədiyi illik “WellChild Mükafatları” mərasimində iştirak etmək üçün sentyabrın 8-də Londona gəlməyə hazırlaşır.
İnsayder nəşrə bildirib ki, Şahzadə Harri və Çarlz III görüşməkdə qərarlıdırlar:
“Uzun müddətdən sonra ilk dəfədir ki, barışığın qaçılmaz olduğu hissi var. Şahzadə Harrinin komandası və saray arasında əlaqə yaradılıb və hər cür ümid var ki, hersoq sentyabrda Londona qayıdanda ata və oğul bir-birini görəcəklər. 20 aylıq ayrılıqdan sonra və Kralın müalicəsini davam etdirməsi ilə, görünür, bu addımı atmağın vaxtı çatıb. Söhbət möhtəşəm jestlərdən və ya planlaşdırılan görüşlərdən deyil, ata-oğul arasında sadə şəxsi söhbətdən gedir”, - mənbə bildirib.
Eyni zamanda, Şahzadə Uilyam qardaşı ilə barışmaqdan qəti şəkildə imtina edir.