Humanitar yardım və isveçli iqlim dəyişikliyi kampaniyası üzrə fəal Qreta Tunberq də daxil olmaqla fəalları daşıyan donanma bazar günü “Qəzzanın qeyri-qanuni blokadasını yarmaq” üçün Barselonadan yola düşəcək.
Yeniavaz.com xəbər verir ki, gəmilər “humanitar dəhliz açmaq və Fələstin xalqının davam edən soyqırımına son qoymaq” üçün yola düşəcək.
Donanmanın sentyabrın ortalarında müharibədən zərər çəkmiş Fələstin anklavına çatacağı gözlənilir.
“Bu, bütün əvvəlki cəhdlərdən daha çox insan və qayığın iştirak etdiyi tarixdə ən böyük həmrəylik missiyası olacaq”, - Braziliyalı aktivist Tiaqo Avila deyib.
Təşkilatçılar sentyabrın 4-də daha onlarla gəminin Tunis və digər Aralıq dənizi limanlarını tərk edəcəyinin gözlənildiyini bildirirlər.
Donanmanın rəhbər komitəsində olan Qreta Tunberq sosial mediada qeyd edib ki, fəallar eyni zamanda 44 ölkədə “Fələstin xalqı ilə həmrəylik üçün” nümayişlər və digər etiraz aksiyaları keçirəcəklər.
Donanmaya Tunberqdən başqa, bir neçə ölkədən fəallar, avropalı qanunvericilər və Barselonanın keçmiş meri Ada Kolau kimi ictimai xadimlər daxil olacaq.
Tətbiqimizi yükləyə bilərsiniz
