Bəzi Avropa klubları Avropa Futbol Assosiasiyaları İttifaqının (UEFA) nümayəndələri ilə əlaqə saxlayaraq avrokuboklar çərçivəsində İsrail komandaları ilə qarşılaşmaqdan imtina ilə bağlı nə edə biləcəklərini öyrənməyə çalışıblar.
Yeniavaz.com xəbər verir ki, bu barədə “The Times” qəzeti məlumat yayıb.
Məlumata görə, UEFA rəsmilərindən soruşulub ki, Qəzzadakı münaqişə səbəbindən püşkatma zamanı İsrail klublarından yayınmağa imkan verən mexanizmlər varmı?
UEFA isə bildirib ki, bu mövzuda heç bir rəsmi müraciət daxil olmayıb və belə bir prosedur üçün heç bir tədbir nəzərdə tutulmayıb.
Qeyd edək ki, mövcud mövsümdə avrokuboklarda İsraildən yalnız bir klub iştirak edəcək – Təl-Əvivin “Makkabi”si. Avropa Liqasının liqa mərhələsində İsrail komandası Xorvatiyanın “Dinamo” (Zaqreb), İngiltərənin “Aston Villa”, Fransanın “Lion”, Danimarkanın “Midtyulland”, İtaliyanın “Bolonya”, Almaniyanın “Ştutqart” və “Frayburq” klubları, eləcə də Yunanıstanın PAOK klubları ilə qarşılaşacaq.
Tətbiqimizi yükləyə bilərsiniz
