“Hərbsizləşdirilmiş zonanın yaradılması müzakirə edilir” – Netanyahu

“Hazırda Dəməşqin cənubunda hərbsizləşdirilmiş zonanın yaradılması məsələsi müzakirə olunur”.
Yeniavaz.com xəbər verir ki, bu barədə İsrailin Baş naziri Benyamin Netanyahu İsrailin şimalında İsrailin druz icmasının ruhani lideri Şeyx Müafak Tarif ilə görüşündə deyib.
“Hazırda diqqətimizi üç şey üzərində cəmləyirik: Əs-Suveyda əyalətində druz icmasının qorunması, Dəməşqin cənubundan Colan təpələrinə, o cümlədən Əs-Suveyda əyalətinə qədər hərbsizləşdirilmiş zonanın yaradılması və ərzaq, tikinti materialları, eləcə də geniş miqyaslı tibbi yardımın çatdırılmasına imkan verəcək humanitar dəhliz yaratmaq. Hazırda bu məsələlərlə bağlı müzakirələr gedir”, - Netanyahu bildirib.