Nevroloq Baibin Çen yaddaşı yaxşılaşdırmağa kömək edən üç məşq açıqlayıb.
Yeniavaz.com xəbər verir ki, bu barədə “Daily Mirror” məlumat yayıb.
Çen hər hansı yeni bacarıqların öyrənilməsini beyin təliminin əsas metodu adlandırıb:
“Ancaq yeni bir şey öyrənmək kifayət deyil. Bu barədə başqalarına danışmaq çox vacibdir. Başqasına məlumatı izah edərkən, beyniniz əlaqələri gücləndirir, yaddaşı daha sabit edir”.
Nevroloq həmçinin öyrənmə prosesində mümkün qədər çox hisslərdən istifadə etməyi tövsiyə edib:
“Məsələn, yeni məlumatı musiqi kimi oxumaq, onu yazmaq və ya vizual təsvirlərlə əlaqələndirmək. Nə qədər çox hiss orqanlarından istifadə etsəniz, yaddaşınız bir o qədər güclü olacaq. Bu, ikili kodlaşdırma nəzəriyyəsinə əsaslanır və bu, məlumatı vizual təsvirlərlə birləşdirməyin yaddaşı əhəmiyyətli dərəcədə yaxşılaşdırdığını göstərir”.
Sonda həkim hər şeyi bir anda sıxışdırmağa çalışmaqdansa, məlumatları tədricən yadda saxlamağı tövsiyə etdi. Onun sözlərinə görə, əvvəlcə məlumatlarla tanış olmaq, sonra isə ertəsi gün, bir həftə və bir ay sonra bunu təkrarlamaq lazımdır. Çen izah etdi ki, təkrarlar arasındakı intervalları artırmaqla insan uzunmüddətli yaddaşı məşq etdirir.
Tətbiqimizi yükləyə bilərsiniz
