İstanbul Bələdiyyəsində yeni əməliyyat – 20 nəfər saxlanıldı

Türkiyədə İstanbul Böyükşəhər Bələdiyyəsi (İBB) ilə bağlı aparılan istintaq çərçivəsində yeni əməliyyat keçirilib.
Yeniavaz.com TRT-yə istinadla xəbər verir ki, istintaq çərçivəsində İBB-nin İSFALT (İstanbul Asfalt Fabrikləri Sənaye və Ticarət Şirkəti) və İETT-dən (İstanbul Elektrik, Tramvay və Tunel Əməliyyatları İdarəsi) aldığı tenderləri saxtalaşdırmaqda ittiham olunan 25 şübhəli şəxs müəyyənləşdirilib.
Aralarında İETT baş direktoru İrfan Demetin də olduğu 25 şübhəli haqqında həbs qətimkan tədbiri seçilib.
Sözügedən tender komissiyalarına üzv olan şübhəlilərin saxlanılması üçün əməliyyat İstanbul, Antalya, Çanaqqala, Trabzon, Bursa və Giresunda həyata keçirilib.
Bu əməliyyatlar zamanı 20 şübhəli saxlanılıb.
Digər 5 şübhəlinin saxlanılması istiqamətində işlər davam etdirilir.