Xəbər verdiyimiz kimi, bu ilin ilk yarısında Azərbaycan xarici ölkələrə 6 milyard 409,3 milyon dollar dəyərində 12 milyon 46,3 min ton xam neft satıb.
Yeniavaz.com açıqlanan rəsmi məlumatlara istinadən xəbər verir ki, bu il Azərbaycan xam neft ixracı ilə yanaşı, həm də xam neft idxal edib.
Belə ki, Azərbaycan Qazaxıstan, Rusiya və İraqdan xam neft alıb.
Bu ilin ilk 5 ayı ərzində Qazaxıstandan 41 min 792 ton neft alınıb və bunun gömrük dəyəri 22 milyon 652 min dollar təşkil edib (1 tonu 542 dollar).
Rusiyadan isə 602 min 874 ton neft idxal olunub, gömrük dəyəri isə 293 milyon 833 min dollar təşkil edib (1 tonu 487 dollar).
İraqdan alınan neftin miqdarı isə cəmi 141,5 ton olub.
Azərbaycan İraqdan idxal edilən neftinin bir tonu üçün 370 dollar ödəyib.
Elbur Əli
Tətbiqimizi yükləyə bilərsiniz
