Ən çox reklam alan klublar – “Real” birincidir

İspaniyanın “Real Madrid” klubu futbol klubları arasında mövsümdə formalarının reklamından ən çox gəlir əldə edən klub olub.
Yeniavaz.com xəbər verir ki, bu barədə “Marca” məlumat yayıb.
Məlumata görə, kral klubu texniki sponsor “Adidas”dan 120 milyon avro, titul sponsoru “Emirates”dən 70 milyon avro və sponsor HP-dən 70 milyon avro alıb. “Mançester Siti” bu kateqoriyada ikinci, “Mançester Yunayted” isə üçüncü olub.
Forma reklamından ən çox gəlir əldə edən ilk beş klubu təqdim edirik:
1. “Real Madrid” (120 milyon avro, 70 milyon avro, 70 milyon avro).
2. “Mançester Siti” (115 milyon avro, 74 milyon avro, 21,5 milyon avro).
3. “Mançester Yunayted” (105 milyon avro, 70 milyon avro, 25 milyon avro).
4. “Barselona” (105 milyon avro, 70 milyon avro, 8 milyon avro).
5. PSJ (90 milyon avro, 70 milyon avro, 10 milyon avro).